Ұлттық бірыңғай тестілеу мен кешенді тестен қажетті балл жинай алмаған түлектер екінші мәрте сынақ тапсырады. Мұндай екінші мүмкіндік ЖОО-ның ақылы бөліміне түсу үшін беріледі. Қайта тестілеу тамыздың 15-нен 19-на дейінгі аралықта өтеді.

Осыған орай, тестілеу өткізу үшін жоо-ның қабылдау коммисиялары құжат қабылдау жұмыстарын жүргізіп жатыр. Ол 3 тамызға жалғаспақ.

Айта кетсек, қатай тестілеу оқуға түсуге ниетті түлектердің қалауымен қазақ, орыс, ағылшын тілдерінде бес пән бойынша өткізіледі: Қазақстан тарихы, математика, қазақ,орыс, ағылшын тілі, екі бейінді пән.

Тестілеуге қатысу үшін өтінішті жоғары оқу орнының қабылдау комиссиясына төмендегі құжаттармен бірге өткізу қажет:

-белгіленген үлгідегі бланкте толтырылған өтініш;

-жалпы орта білімі туралы аттестат немесе техникалық және кәсіби білімі туралы дипломның түпнұсқасы;

-тестілеуден өтуге төленген ақы туралы түбіртек;

-3×4 көлеміндегі екі фотосурет;

-086-У формасындағы медициналық анықтама;

-жеке бас куәлігінің көшірмесі.

Қата тестілеуден өтудің ақысы – 2242 теңге, Қазпошта немесе Халық банкінің бөлімшелерінде төленеді.