Тарбағатай ауданындағы Екпін ауылдық округіне қарасты Аққала елді мекеніне белгілі тарихшы ғалым Әбдеш Төлеубаев бастаған Шілікті-Тарбағатай археологиялық экспедициясы келді.

Экспедиция мүшелері елді мекен жанындағы Төрт оба қорымына барып, жас ғалымдармен осыдан 2 500 мың жыл бұрынғы сақ тайпасы патшаларына тиесілі қорымды зерттеуді бастады.

Ғалымдар бұл қорымнан тағы бір «Алтын адам» табылуы мүмкүн деген пікір айтып отыр. Археологиялық экспедицияның ғылыми-зерттеу жұмыстарына «Рухани жаңғыру» бағдарламасы аясында облыстық бюджеттен аймақ басшысы Даниал Ахметовтің мұрындық болуымен арнайы қаржы бөлінген. Ғылыми экспедиция қорымда бірнеше ай жұмыс жүргізетін болады.

Қадырбек Кәкімұлы