Семей шаһарына рубик текшесін шапшаң жинап құрастырудан жаһандық додаларда топ жарып жүрген рекордсмендер келіп, қала жұртшылығын таңқалдырды.

Нақтырақ айтқанда, түрлі пішіндегі кубик рубикті голландиялық Матс Валк бір қолымен көзді ашып-жұмғанша лезде құрастырып шықса, ал Ресейдің «Ерекше адамдар» байқауының жеңімпазы, әлемдік рекордшы Роман Страхов болса жабық көзбен небәрі 10 секундта түрлі-түсті текшені жинақтап үлгерді.

Сондай-ақ, Роман көпшіліктің алдында төртбұрышты кубиктардан жасап шыққан Нұрсұлтан Назарбаевтың суреті бейнеленген портретті осы турнирдың халықаралық деңгейде өтуіне ұйытқы болып отырған белгілі кәсіпкер Арман Машимовқа өз қолымен табыс етті.