Қазақ тілін үйренем дегендерге тегін 10 күндік оқыту курсы басталды
Облыстың тілдердерді дамыту жөніндегі басқармасы 14 мамырдан бастап «Тілге құрмет – елге құрмет» акциясы аясында А1 деңгейінде мемлекеттік тілді үйренуге ниет білдірген ҮЕҰ өкілдері үшін тегін 10 күндік оқыту курсын бастады.
Осынау шараның мақсаты – азаматтық сектор өкілдерін мемлекеттік тілді оқуға тарту. 10 күндік аясында мемлекеттік тілді оқуға ниет білдірген ҮЕҰ өкілдері тегін қазақ тілін оқыту курсына қатыса алады.
- Бұл ҮЕҰ өкілдері үшін өте тамаша мүмкіндік. Алдағы уақытта біз, ҮЕҰ өкілдері облыстық тілдерді дамыту жөніндегі басқармасымен қоян-қолтық, бірлесе жұмыс істейміз деген ойдамын, - дейді «Тринта» үкіметтік емес ұйымының жобалар жөніндегі менеджері Евгения Шрейбер.