Өскеменге Алматыдан трамвайлар жіберілді
Кеше Алматының ескі трамвайлары Өскеменге жөнелтілді. Таңертең Алматыдан шығар жолдан трамвай-гармошкалар тиелген автотасығыштар байқалып қалған. Біздің қалаға бұл жүк 5-6 күннің ішінде жеткізіледі екен.
Өскемен қалалық әкімдігінің ақпараты бойынша, жолға бес трамвай вагоны жіберіліп отыр. Олардың әрқайсының салмағы 22 тонна болады. «Алматыэлектротранс» ЖШС өндірістік-техникалық бөлімінің басшысы Михаил Чайканың хабарлауынша, автотасығыштар 20 шақырым/сағат жылдамдықпен қозғалады. Сол себепті 1200 шақырымдық жол бірнеше күнге созылмақ.
Демек, облыс орталығына трамвайлар келесі аптаның соңына қарай жетеді.
Оқи отырыңыз