Автомобильге мемлекеттік нөмірді таңдауға болады
Осы жылы мамандандырылған ХҚКО-да жаңа қызмет түрі іске қосылмақ. Ол автокөлікке мемлекеттік тіркеу нөмірлік белгісін таңдауға мүмкіндік береді.
-ҚР ІІМ Әкімшілік полиция комитеті төрағасының орынбасары Әлібек Кеңісбаев 2018 жылдың соңына дейін мамандандырылған ХҚКО-да автокөліктерге арналған кез келген мемлекеттік нөмірлі белгілерді таңдау мүмкіндігі ұсынылатыны туралы айтты, - деп хабарлайды ҚР мемлекеттік қызмет істері және сыбайлас жемқорлыққа қарсы іс-қимыл Агенттігінің баспасөз қызметі facebook-тегі ресми парақшасында.
Дегенмен, бұл тізімге мемлекеттік баж қарастырылған жоғары сұранысқа ие нөмірлер кірмейді екен.
ШҚО-да бүгінгі таңда бір ғана мамандандырылған ХҚКО қызмет көрсетуде. Ол Семей ұаласында орналасқан. Ал облыс орталығы Өскемен қаласында мұндай құрылымды құруға бірнеше жыл қатарынан тырысып бағуда.