Зайсан қаласында осымен 13-ші рет волейболдан қыздар арасындағы Жұлдыз Абышеваны еске алуға арналған дәстүрлі турнир өтті.

Жарыстың ашылу салтанатына аудан әкімі Темірбек Қасымжанов пен марқұмның туыстары қатысып, командаларға сәттілік тіледі.

Облыстық деңгейде ұйымдастырылатын жарысқа биыл зайсандықтардан бөлек, Өскемен мен Семей қалаларынан, сондай-ақ Жарма, Күршім, Тарбағатай және Ұлан аудандарынан келген барлығы 15 команда қатысты.

Аса тартысты өткен жарыстың қорытындысы бойынша тұғырдың ең жоғары сатысына Өскемен қаласының құрама командасы көтерілді. Жүлделі екінші орынға зайсандық волейболшы ие болса, үздік үштікті Семейден келген команда түйіндеді.

Жарыс жеңімпаздары арнайы грамоталарымен, сондай-ақ медальдармен және ақшалай сыйлықтармен марапатталды.