Бесқарағайда халық игілігіне жұмыс істейтін дәріхана ашылды
Бесқарағай ауылында басы ауырып, балтыры сыздаған аудан тұрғындарын дәрі-дәрмекпен қамтамасыз ететін дәріхана ашылды.
Барлық заманауи медициналық талаптарға сәйкес келетін әлеуметтік нысанды жеке қаражатына ашқан кәсіпкер Руфия Қисамиеваның айтуынша, бүгінде дәріхана халықты тегін босатылатын дәрі-дәрмектермен қамтамасыз етуге арнайы рұқсат алған.
– Жаңадан ашылып отырған бұл дәріхана аудан тұрғындарының игілігіне жұмыс істеп, ел экономикасының дамуына үлесін қосады. Алдағы уақытта Руфия Ноғайшинқызы басқаратын «Әлем-1» ЖШС басқа да әлеуметтік жобаларды қолға алады деп сенеміз, - дейді аудан әкімінің міндетін атқарушы Ерболат Рахметуллин.