Шемонайха ауданынан Астанадағы халықаралық Экспо көрмесін тамашалауға негізінен шенеуніктер мен мұғалімдердің балалары бармақ.

Бұл жайында Усть-таловка ауылының тұрғыны, көп балалы әке Александр Карпачевті «Ақ жол» демократиялық партиясы төрағасы қабылдаған кезде мәлім болды.

-Менің балаларымның бәрі шетінен дарынды. Қызым қазақ тілі байқауынан 1 орынды жеңіп алған. Жуықта оған Экспо көрмесіне жолдама берді. Сол жеңілдікпен берілуге тиіс жолдамалармен негізінен мұғалімдер мен шенеуніктердің балалары бара жатыр. Менің қызым ғана араларында «бөтен», - деді сегіз баланың әкесі.

Естеріңізге сала кетейік, облыс орталығында сегізінші шілде күні «Ақ жол» демократиялық партиясының төрағасы Азат Перуашев азаматтарды қабылдаған болатын.