Келер жылы Қазақ хандығының тарихынан сыр шертетін 20 сериялы телехикая түсірілмек. Бұл туралы Президент жанындағы Орталық коммуникациялар қызметінде өткен брифингте Мәдениет және спорт министрі Арыстанбек Мұхамедиұлы мәлім етті.

- Алдағы жылы Қазақ хандығына байланысты ғылыми конференциялар ұйымдастырылып, деректі және көркем фильмдер шығады. Оның ішінде Елбасының тапсырмасымен Қазақ хандығына арналған 20 cериялы телехикая бар. Бүгінде ғалымдарымыздың анықтауымен тарихымыз анық жолға түскен кезде, біз оны көркемдік жанрға шығаруымыз керек, - деп түсіндірген министр телехикаяны түсіру жұмыстары келер жылдың қаңтар айынан басталатынын жеткізді.