«Самұрық» даму орталығы» қоғамдық жастар қоры Қазақстан халқы Ассамблеясы және Жастар ісі жөніндегі комитеттің қолдауымен «Аңсар-2013» әдеби конкурсын жариялады, деп хабарлайды Аltaynews.kz тілшісі.

Конкурс заманауи қазақ және қазақстандық әдебиетті, журналистиканы насихаттау, жас жазушылар мен ақындарды қолдау мақсатында ұйымдастырылып отыр.

Байқау шеңберінде жас журналистер мен ақын-жазушылар үшін осы саланың мықты сарапшыларының қатысуымен екі шебер-сыныбы өткізіледі. Байқау жеңімпаздары салтанатты түрде марапатталады. Әдеби сайысқа қатысушылардың шығармаларының жиынтығы 500 дана болып баспадан шығарылмақ.

Конкурсқа 14-30 жас аралығындағы журналистика, әдебиетпен әуестенетін жастар қатыса алады. Байқауға қатысу үшін 2013 жылдың 5-қарашасына дейін өтінім мен шығармаларды төмендегі мекенжайға жіберу қажет: Астана, Б. Момышұлы к, 15 үй, 1 офис (8 (7172) 965-038) немесе электронды жәшік: sunkarkz@bk.ru. Конкурстың үйлестірушісі:Альшеров Дулат Байкенұлы: ұялы тел. 8 701 705 33 31