14-қазанда Өскемен қаласындағы орталық алаңда ауылшаруашылығы өнімдерінің «Алтын күз» жәрмеңкесі өтеді. Бұл жерде өскемендіктер мен қала қонақтарына шемонайханың картобы мен Күршімнің қарбызын алып, семейліктердің өнерін тамашалау мүмкіндігі берілмек , деп хабарлайды Аltaynews.kz тілшісі.
Сауда-саттық әдеттегідей сағат 10-00-де басталады.
Ал 15-қазан – Құрбан айттың алғашқы күні сағат 11-00-де Республика алаңында мұсылман қауымының басты мерекесіне арналған мерекелік шаралар басталады. Жиналғандар майы тамған палау мен ақ бауырсақтардан дәм тата алады.
Ұйымдастырушылар Новоявленка ауылы мен ипподром ауданында осы күні таңғы сағат 7-ден бастап мұсылмандарға құрбандық шалуға жағдай жасалатынын айтады.