Қыс болса қыр астында, ал Өскемен қаласының «кәрі құданы» қарсы алуға дайындығы бар-жоғы 60 пайызды құрайды. Бұл туралы қалалық әкімдікте жылыту маусымына әзірлікті пысықтаған жиында айтылды, деп хабарлайды Аltaynews.kz тілшісі.
– Уақыт тығыз, енді қалған бірер аптада Өскемендегі кәсіпорындар мен мекемелердің, тұрғын үйлердің жылыту маусымына дайындығын толық аяқтау қиынға түскелі тұр. Әйтсе де, тырысуымыз керек, – дейді қала әкімінің орынбасары Владимир Головатюк.
Алдағы уақытта күн күрт суытатын болса, балабақшаларға, мектептерге, ауруханалар мен мәдени-көңіл көтеру мекемелеріне, «Үлбі» халыққа қызмет көрсету орталығына жылу беріледі.