Шығыс Қазақстан облысында мектепке жарылғыш зат қойылды деп жалған хабар берген «қылжақбас» оқушының үстінен қозғалған қылмысты іске нүкте қойылды. Кінәлі оныншы сынып оқушысы кінәлі деп танылып, оның бас еркіндігіне 2 жылға шектеу қойылды, деп хабарлайды Аltaynews.kz тілшісі облыстық соттың баспасөз қызметіне сілтеме жасап.
"Кәмелет жасына толмаған 10-сынып оқушысы бүкіләлемдік тарих пәнінен сынаққа дайын болмағандықтан ішкі істер басқармасына ұялы телефонынан қоңырау шалып, мектеп ғимаратына жарылғыш зат қойылғаны туралы хабарлаған. Дабыл қағылғаннан кейін оқиға орнына ТЖ мамандары , полицейлер , саперлер және медицина қызметкерлері дереу жеткен. Алайда ешқандай жарылғыш зат табылған жоқ.Жалған терроризм актісін тексеруге кеткен шығын 133 мың теңгені құрады» , деп түсіндірді сот қызметкерлері.
Мектеп оқушысына «Терроризм актісі жайлы жалған ақпарат таратты» деген айып тағылып, оның бас еркіндігіне 2 жылға шектеу қойылды.
