Риддер қаласында жол-көлік апатына түскен автокөлік жанып кетті, деп хабарлайды Аltaynews.kz тілшісі облыстық жол полициясы басқармасының баспасөз қызметіне сілтеме жасап.

Тойота Калдина көлігін мас кезінде басқарған жүргізуші қаланың бірінші ауданына жүйткіп бара жатқан кезде жолда тұрған УАЗ-3909 көлігіне соғылған. Шамадан тыс жылдамдықпен келе жатқан шетелдік көлік соққыдан кейін аударылып қалды. Соның салдарынан көліктің жүргізушісі мен екі жолаушы ауыр жарақаттармен ауруханаға түсті.