Курчатов қаласының өрт сөндіру бөлімінде жалпы білім беретін мектептердің жас өрт сөндіру жасақтарының слеті өткізілді , деп хабарлайды Аltaynews.kz тілшісі.
Қалалық білім бөлімінде хабарлағандай, жарыс бағдарламасы визит карточкасы, медициналық пост, көңілді суретші және өрт сөндіруші киім үлгісі сияқты бірнеше конкурстардан тұрды.
Жасақтар өздерінің ептілігін, іс-қимылдарының анықтығын және топтық рухты көрсете білді. 48-өртке қарсы қызмет бөлімінің өрт сөндірушілері ұйымдастырған жаттығулар оқушылардың өртке су себетін түтік құбырын домалатып тез жинауда және өрт сөндіру қызметкерінің киімін кию тапсырмаларын орындауда көмегін тигізді.
Қызықты сайыстардың қорытындысында Курчатов қаласының № 1 жалпы білім беретін орта мектебінің жасақтары жеңіске жетті, екінші орын –№ 3 орта мектебіне берілді, ал Курчатов қаласының мектеп-гимназиясы үшінші орынға ие болды.