Өскемендегі сауда үйлерінің бірінен өрт шықты
Фото: ШҚО ТЖД баспасөз қызметі
Облыс орталғында 19-шы шағын аудандағы сауда үйлерінің бірінен өрт шықты, деп хабарлайды Altainews.kz тілшісі.
Бірінші қабаттың түтіндегенін байқаған күзет қызметкерлері бірден өрт сөндірушілерге хабар беріпті.
- Өрт сөндірушілер 10 шаршы алаңдағы тілсіз жауды ауыздықтап үлгерді. Тексеру барысында тоңазытқыштың жанғыш бөлшектері мен сөрелердің өртенгені анықталды. Қазіргі уақытта оқиғаның себептері анықталып жатыр, - дейді ШҚО ТЖД баспасөз қызметі.
ШҚО ТЖД кәсіпкерлерге
- өрт қауіпсіздігі ережелерін қатаң сақтау керектігін;
- электр жабдықтары мен электр желісінің жай-күйін үнемі тексеріп отыру керектігін;
- өрт шыққан жағдайда бірден 101 немесе 112 нөміріне қоңырау шалу керектігін ескертеді.
Оқи отырыңыз
