Қазақстандық «Astana Arlans» кәсіпқой боксшылар клубы алғаш рет Бүкіләлемдік бокс сериясының WSB кубогының иегері атанды. Еліміздің даңқын әлемге танытқан клубтың екі мүшесі шығысқазақстандық боксшылар, деп хабарлайды Аltaynews.kz тілшісі.
«Арландар» тартысты өткен финалдық айқаста «Украинские Атаманы» боксшыларын 6:5 есебімен жеңіп шықты. «Astana Arlans» клубы боксшыларының бірі, 73 килограмм салмақ дәрежесінде өнер көрсеткен Мирас Байырханов ШҚМУ-дың дене шынықтыру және спорт факультетінің студенті және 54 килограмм салмақта сайысқан Мирас Жақыпов С.Аманжолов атындағы ШҚМУ-дың түлегі.
54 килограмм салмақ дәрежесінде Мирас Жақыпов ақтық жарыстардың екінші күні Микола Буценкомен кездесіп, 3:0 (49:46, 48:47, 49 46) есебімен ұтты.
