Ұлы Жеңіс мерекесі қарсаңында Өскемен қаласында тұратын Ұлы Отан соғысы ардагерлерін қалалық әкімдік құттықтап, майдангерлерге сыйлықтар, ақшалай сыйлық және гүл шоқтары табыс етілді , деп хабарлайды Altaynews.kz тілшісі қала әкімі баспасөз қызметіне сілтеме жасап.

«Біз соғыс және тыл ардагерлеріне деген қамқорлық бір реттік қана болмау керектігін жақсы түсінеміз. Ай сайын соғыс мүгедектеріне теңестірілген 1550 адамға екі мың теңгеден жәрдемақы беріледі. Бұдан басқа соғыс ардагерлері, олардың жесірлері, мүгелектер, әскерилер мен оларға теңестірілген тағы 1550 отбасына ай сайын 5 мың теңге көмек көрсетіледі», дейді қалалық жұмыспен қамту және әлеуметтік бағдарламалар бөлімінің бастығы Сәуле Жүнісбекова.