Өскемен қаласында той дастарханынан кейін тамақтан уланып, ауруханаға түскендердің саны 52-ге жетті, олардың 4-уі балалар , деп хабарлайды Altaynews.kz тілшісі.
Естеріңізге сала кетейік, бұған дейін 27 адамның уланғаны жайында хабарлаған болатынбыз. Қала әкімінің баспасөз қызметінің соңғы мәліметтері бойынша, жан-жақты тексеруден кейін науқастардың бірінің арақтан уланғаны анықталды. Ішімдік Колхозная көшесінде қолдан сатып алынған.
Өскемен қалалық мемлекеттік санитарлық-эпидемиологиялық қадағалау басқармасының бастығы Михаил Дерябин тұрғындардан тамақтарды дайындау және сақтау кезінде барлық сақтық шараларын орындауды сұрайды.
Сонымен қатар шаһардың бас санитарлық дәрігері қолдан жасалған ішімдіктерді ішпеуге кеңес береді.