ШҚО Зырян қаласында 67 жұмыссыз азамат жұмыспен қамту және әлеуметтік қолдау мақсатында кәсіптік оқыту мен қайта оқытуға жіберілді. Олар еңбек нарығында сұранысқа ие мамандықтар бойынша қайта даярлықтан өтеді, деп хабарлайды Altaynews.kz тілшісі.
«Жұмыссыз азаматтар газэлектрдәнекерлеуші, бульдозер машинисі, жылыту желілеріне қызмет көрсету бойынша слесарь, есепші, аспаз, хатшы-референт сияқты мамандықтар бойынша қайта даярлықтан өтеді. Курстар Зырян технологиялық колледжі мен құрылыс және көлік колледжі негізінде жүргізілуде. Оқу кезінде тыңдаушыларға алты айлық есептік көрсеткіш мөлшерінде тамақтану мен тұруға ішінара өтемақы төленеді» деді біздің тілшімізге аудандық жұмыспен қамту және әлеуметтік бағдарламалар бөлімінің бас маманы А.Семенюк.