Синоптиктер 14 қыркүйекке арналған ауа райы болжамын ұсынды.

Бүгін өңірде жаңбыр мен қар жаууы мүмкін, деп хабарлайды Altainews.kz тілшісі.

"Қазгидромет" ШҚО филиалының ақпараты бойынша 14 қыркүйекте түнде облыстың солтүстігінде, шығысында жауын-шашын, қар күтіледі. Түнде және таңертен облыстың солтүстігінде, шығысында күн тұманды.

Жел батыстан, солтүстік-батыстан соғады, күндіз облыстың оңтүстік-шығысында жел екпіні 15-20 м/с.

Түнде облыстың шығысында 3 градус үсік күтіледі.