Аягөз гарнизоны әскери полициясы құрамы Аягөздегі барлық соғыс ардагерлерін өз қамқорлықтарына алған, деп хабарлайды Аltaynews.kz тілшісі.

Жақында осы жеке құрамның ұйымдастыруымен «ДЭУ-25» мекемесі техникаларының көмегімен соғыс ардагерлері Асқар Жұмаділов пен Жұмағали Оразбеков тұратын үйлердің аулаларындағы қарды тазалап, сыртқа шығарып берді.

Көктем келісімен олар ардагерлердің аулаларын абаттандырып, бау-бақшалық жұмыстарына қол ұшын бермек.

Айта кетейік, гарнизон қызметкерлері Аягөздегі барлық соғыс ардагерлерін өз қамқорлықтарынан тыс қалдырмайды.