Өткен түнде облыстың құтқарушылары Көкпекті ауданында 2 адамды қар тұтқынынан құтқарды, деп хабарлайды Аltaynews.kz тілшісі.

Бұл жөнінде облыстық ТЖ департаментінің хабарламасынан белгілі болды.

«Көкпекті ауданы Ұзынбұлақ ауылының маңында автокөлік қарға батып қалған. Құтқарушыларға көмек сұраған дабыл түнгі 12-де келіп түскен. 58-өрт сөндіру бөлімінің 2 қызметкері 1 ауыр техниканың көмегімен көліктегі 2 адамды қар құрсауынан екі сағат дегенде шығарып алды» делінген облыстық ТЖ департаменті жіберген баспасөз парағында.