Ұлан ауданына аз қамтылған отбасыларға гуманитарлық көмек көрсету мақсатында Біріккен Араб Әмірлігінен Қызыл Жарты Ай қоғамының делегациясы келді , деп хабарлайды Аltaynews.kz.
Делегецияны Республикалық Қызыл Жарты Ай Төтенше жағдай бөлімінің бастығы Н. Панзабеков және ШҚО Қызыл Жарты Ай қоғамының төрағасы О. Жетпісбаева алып жүрді.
Қызыл Жарты Ай қоғамының директорының орынбасары Мансур Сайд АлазиАламери, координаторлары ЛоайСирадж, АсимФадльМохамедті аудан әкімі С. Т. Төленбергенов қарсы алды.
Р. Мәрсеков атындағы орта мектептің акт залында ұйымдастырылған кездесу барысында, Қызыл Жарты Ай қоғамы жайлы көркем фильм көрсетілді. Қонақтарға «Бескөл» халықтық фольклорлық ансамблінің орындауында қазақ және араб тілдерінде әндер айтылды, қыздар қазақтың ұлттық биін нақышына келтіріп биледі.
Кездесу соңында Біріккен Араб Әмірлігінің Қызыл Жарты Ай қоғамы ауданымыздың аз қамтылған 80 отбасына өз сыйлықтарын табыс етті.
Осы жолы ұландықтарға азық – түлік, жылы киім, көрпе-жастық берілсе, келешекте 3 миллион теңгеге дейін адрестік әлеуметтік көмек көрсету жоспарланған.
