Бүгін түске дейін Алматыда жерасты дүмпуі 4 рет тіркелді, деп хабарлайды Altaynews.kz тілшісі 24 KZ телеарнасының мәліметіне сүйеніп.
Алғашқысы Алматы уақыты бойынша сағат 10:29-да тіркелсе, қалған үшеуі бір сағаттай аралықта қайталанып отырды. Жер сілкіністерінің ресми тіркелген уақыттары 10:29, 11:29, 12:32 және 12:50. Жер сілкінісінің ошағы Алматы қаласынан оңтүстік-шығысқа қарай 225 шақырым жерде орналасқан.
3,9- 4,2 балдық жер сілкіністерін еліміздің «Білім және ғылым министрлігі Сейсмологиялық тәжірибе-әдістемелік экспедициясы» мемлекеттік мекемесінің сейсмикалық стансалары желісі тіркеген.
Сондай-ақ, бүгін Қытайдың батысындағы Цинхай провинциясында жер сілкінісі сезілді. Магнитудасы 5,1 балды құраған зілзала Юйшу-Тибет автономдық округінде тіркеліп отыр. Бұл туралы хабады Қытайдың сейсмологиялық орталығы таратты. Қаза тапқандар мен зардап шеккендер туралы мәлімет жоқ.
Қытайдың Цинхай провинциясы Шыңжаң-Ұйғыр автономдық округімен шекаралас орналасқан.