Өскемен қаласында Тәуелсіздік даңғылында орналасқан жекеменшік үйде 50 литрлік газ баллоны жарылып, үй иесі ауыр жарақат алды, деп хабарлайды Аltaynews.kz тілшісі облыстық ТЖ департементінің баспасөз қызметіне сүйеніп.
Оқиға орнына келіп жеткен өрт сөндірушілер газ баллонының жарылуынан ғимараттың кірпіш қабырғасының, ағаш жабындысының қирағанын, жиһаздар мен жеке заттарды есептегенде, барлығы 30 шаршы метр аумақты өрт шарпығанын анықтады.
Өрт кезінде зардап шеккен үй иесінің беті-қолы күйіп, қабырғалары, жамбас сүйегі сынып, ауыр жарақат алған. Зардап шегуші жедел жәрдем ауруханасының жансақтау бөліміне жеткізілді.
