Семей қаласының «Жасыл ел» жастар отрядтарының өкілдері жаңа жыл мерекесі қарсаңында шыршаларды шабуға қарсы арнайы акция ұйымдастырды. Белсенді жастар жаңа жыл мерекесін тойлау барысында шыршаларды заңсыз шабуға тыйым салу туралы үнпарақтап таратып, тірі шыршаны жасанды шыршамен алмастыру жөнінде ұсыныс тастаған, деп хабарлайды Аltaynews.kz тілшісі.
«Жаңа жыл мейрамын тойлаған кезде табиғатқа залал келтірудің қажеті жоқ. Біз өзіміздің акция арқылы тұрғындарды қоршаған ортаны аялауға үндейміз, олардың көңілдерін экология проблемаларына аударуды жөн санадық. Осындай кішігірім істермен де табиғатты қорғау мәселесінде үлкен жетістіктерге жетуге болатынын көрсеткіміз келді», - дейді облыстық «Жасыл ел» штабының жетекшісі М.Шаменов.
Осындай акциялар республиканың басқа жерлерінде де өтіп жатыр.
