Қараша айында әлемге әйгілі Citi қорының қаржылай қолдауымен Өскемен және Ақтау қалаларында тұрғындардың қаржылық сауаттылығын арттырып, өз қаржыларын басқаруға және экономикалық дағдарысқа төзімді болуға үйреткен оқу тренингтері өткен болатын.
Осы сабақтарда табысты көбейту, жинақтау, инвестициялау, бизнес көздерін жасау туралы білім алған 60 адам енді Шығыс Қазақстан мен Маңғыстау облыстарында алған білімдерін таратуға мүмкіндік алып отыр. Олардың әр қайсысы өз командасын жасақтап, үйренген тәлімдерін шәкірттеріне жеткізуге тиіс.
Астаналық "Шағын несие ұйымдарын қолдау" және Ақтау қаласындағы "Жастар жетістіктері" қоғамдық қорларының бастамасымен ұйымдастырылған жобаның аясында екі аймақтан 600-дей тұрғын қаржылық сауаттылықтарын арттырады деген болжам бар.