Жуықта ауданның Огневка кентіне «Жұлдыздар жаңбыры» атты цирк келді.

Цирктің келетіні туралы, ондағы хайуанаттар жа-йында бір апта бұрын ілінген афишалар балалардың үмітін ақтады. Қойылымдағы кейбір нөмірлердегі фокустарға балалардың өздері де қатысып, мәз болысты. Әсіресе, бағдарламадағы хайуандар балалардың мейірімді энергетикасын сезіп тұрғандай, қайталанбас өнер көрсетіп, жас көрермендерді ерекше қуантты.

Балаларға сондай-ақ, бір тақтайдан екіншісіне асқан дәлдікпен ұшып-қонып жүрген түрлі-түсті көгершіндер мен екі метрлік питон кереметтей әсер қалдырды. Балалар бұл ерекше питонды ұстап көріп, оның жанында суретке түсу бақытына ие болысты.