Америкалық қыз жанармай ішпесе, өмір сүре алмайды екен. Шеннон есімді бұл қыз денсаулығына қаншалықты зиян екенін білсе де, күн сайын жанармай ішіп тұрмаса «басы ауыратындығын» айтады. Ол күніне 12 шай қасық жанармай ішеді екен. «Өзімді соның арқасында ғана жақсы сезінемін» дейді ол.
Жанармай ішу асқазанды күйдіріп, тіпті өлімге алып келетінін білсе де Шеннон тек өткен жылы ғана 23 литр бензин ішкен.
Ал Индиана штатының кішкентай тұрғыны Натали Хайхерст тастар мен ағаштарды кеміріп, кірпіш сынықтарын жеуді жанындай жақсы көреді екен. Тіпті ол бір күні электр шамын жеп қойып, ата-анасы жедел жәрдем шақыруға мәжбүр болған көрінеді. Содан бері Натали өз өміріне қауіпті бірдеңе жеп қоймауы үшін анасы, әкесі, ағасы үшеуі күні-түні күзетеді екен.
