Қазақстанда 7 адамға иіс тиіп уланды, соның ішінде үш бала бар, деп хабарлайды ҚР ТЖМ-нің баспасөз қызметінен.
Жексенбі, 4 наурыз күні Астанадағы Маятас көшесінде орналасқан жеке тұрғын үйде қатты отынмен жанатын пештің ақаулығы салдарынан 2006 және 2012 жылы дүниеге келген екі балаға иіс тиіп, ауруханаға жеткізілді.
Бүгін Алматы қаласында АЗТМ көшесінде орналасқан жеке тұрғын үйде қатты отынмен жанатын пештің ақаулығынан 5 адам: 18 жастағы жігіт, 1952 және 1976 жылғы екі ер адам, 49 жастағы әйел және 10 жасар балаға иіс тиіп, ауруханаға жеткізілді.