«Алтай» стадионындағы мұз айдын бес күннің ішінде дайын болады, деп хабарлайды Алтайньюс тілшісі.

– Мұз айдынға келуші көп. Сондықтан, бұл алаңда түнгі уақытта жарық та берілгені жөн. Демалушыларға қолайлы жағдай туғызу – бәріміздің міндетіміз, – деді Өскемен әкімі Жақсылық Омар аталмыш стадионға барған жұмыс сапарында.

Ол қалалық дене шынықтыру және спорт бөлімінің басшысы һәм балалар мен жасөспірімдер спорт мектебі директорының қызметін атқарушыға стадионды бес күні ішінде қолданысқа беру керектігін айтты.