Ерте көктемде Ертісте мұзы жару жұмыстары жүргізіліп, Семейде ондаған үйдің терезесін сындарған еді. Аталмыш іске байланысты сот шешімі шықты, деп хабарлайды Алтайньюс тілшісі.

Тергеу жұмыстары жарты жыл жүрді. Бұл оқиғаға Семей аумақтық су ресурстарын кешенді пайдалану бөлімі «Су ресурстарын пайдалануды реттеу және қорғау жөніндегі Ертіс бассейндік инспекциясының» басшысы Мұрат Мұздыбаев айыпталған болатын. Сот үкімі бірнеше айдан кейін шықты.

– ҚР ҚК 371 бабы 2 тармағы бойынша айыпталушы Мұздыбаев Мұрат қылмыстық құқықбұзушылыққа қатысы болмағандықтан, кінәсіз деп табылды, – деп үкім оқыды Семей №2 сотының судьясы Жанар Искакбаев.