Нұрсұлтан Назарбаев Қазақстанның Израиль мен Оңтүстік Кореяға ұқсағанын қалайды. Бұл туралы мемлекет басшысы «100 жаңа есім» жобасының жеңімпаздарымен кездесуде айтты. Бұл туралы Zakon.kz жазады.

– Израиль мен Оңтүстік Кореяға ұқсасақ жаман болмаймыз. Оңтүстік Корея – нағыз іскерлер елі. Ол үшін біз баламызды 5 жасқа дейін жақсылап тәрбиелеуіміз керек. Мәселен, жапондар мен кәрістер баланы ұрып, соқпайды. Түсіндіреді. Сәл есейгенде жұмыс істетеді. Біз де осылай тәрбиелеуіміз керек. Кейін кеш болады, – деді Президент.

– Ең алдымен еңбек! Әкең бай болса да, одан қалған мұрада береке болмайды. Мұны өз тәжірибемнен көрген соң айтамын. Күніне 10-20 миллиардтап ақша табатын байларды бақытты деп айтпас едім, – деп сөзін жалғады Нұрсұлтан Әбішұлы.