Өскемен тұрғыны газдан уланып қаза болды, деп хабарлайды Алтайньюс тілшісі.

Полицейлерге қала тұрғыны күйеуінің жоғалып кеткенін айтып, шағымданыпты әуелі. 10 ақпан күні сағат 23:00-де. Полицейлер іздестіру нәтижесінде азаматтың өлі денесін көліктен тапқан.

– 33 жастағы тұрғын қоңырау шалып, көлігімен үйінен шығып кеткен 38 жастағы күйеуінің жоғалып кеткендігін хабарлады, – деді полиция департаментінің баспасөз хатшысы.

Ал азаматтың денесі 11 ақпан күні көліктен табылды. Алдын ала мәлім болған ақпараттар,а сүйенсек, қолданылған газдан улануы мүмкін.

– Бұл жағдайға қатысты «Өзіне қол жұмсау» бабы бойынша сотқа дейінгі тергеу амалдары жүргізіліп жатыр, – деп қосып қойды департамент қызметкері.