Бұқтырмада батып кеткен кеме: Тергеу амалдары басталды
Бұқтырма су қоймасында адамдар мінген қайықтың суға батып кету дерегі бойынша сотқа дейінгі тергеу амалдары басталды.
Бұл туралы ШҚО ПД баспасөз қызметі хабарлады. Сондай-ақ, қайық экипажының кінәсі туралы қорытынды жасауға әлі ерте екені айтылып отыр.
Бұл туралы ШҚО ПД баспасөз қызметі хабарлады. Сондай-ақ, қайық экипажының кінәсі туралы қорытынды жасауға әлі ерте екені айтылып отыр.
"Дерек бойынша Қылмыстық кодекстің 344-бабы 1-бөлігі ("Темiржол, әуе, теңіз немесе өзен көлiгi жүрісі немесе оларды пайдалану қауiпсiздiгi қағидаларын бұзу") бойынша сотқа дейінгі тергеу-тексеру амалдары басталды. Тиісті сараптама жүргізіліп жатыр. Бұл сараптама кеменің суға бату себептерін анықтайды. Осыдан кейін ғана қандай шешім қабылдау керек екені белгілі болады", - деді полициядағылар.
Еске салайық, бұған дейін Шығыс Қазақстан облысындағы Бұқтырма су қоймасында 24 адам мінген қайық батып кеткені хабарланған болатын. Оқиға жексенбі күні сағат 19:00-де "Аюда" демалыс орталығынан үш шақырым жерде болған. Суға батып бара жатқан қайыққа жағадағы демалушылар көмекке келген. Олар гидроскутерге отырып, алдымен балаларды, кейін барлық азаматтарды жағаға жеткізді.
Оқи отырыңыз
