Республика аумағында 1маусымнан бері «Tulga Bol» жылжымалы жәрмеңкесі өтіп жатыр.

Шара 30 маусымға дейін жалғасады, деп хабарлайды Altaynews тілшісі.

Шара Ақпарат және қоғамдық даму министрлігінің бастамасымен мемлекеттік жастар саясатының 2023-2029 жылдарға арналған тұжырымдамасын іске асыру мақсатында ұйымдастырылған. Жәрмеңке барысында жас түлектерді жұмысқа орналастыру және жастарды жұмыспен қамту көзделіп отыр.

Өскемен қаласындағы алғашқы жәрмеңке Ивушка сауда орталығы, Орталық базар, Fresh Market базарында өтті.

Әртүрлі сала өкілдері жастарға техникалық және кәсіптік білімнен кейін жоғары оқу орындарына түсу бойынша кеңес беріп, жұмыспен қамту бағдарламалары, қаладағы бос жұмыс орындары, кәсіпкерлікке бағытталған бағдарламалар жайында ақпарат берді.

Дерекке сүйенсек, жылжымалы жәрмеңке облыстың басқа да аудандарында жалғасады.