Өскеменде сауда орталығының жанында жасөспірім пышақталды
Фото: www.psychologies.ru
Өскемендегі сауда орталығының жанында 16 жастағы жігіт пышақ жарақатын алды, деп хабарлайды Altainews.kz сайты YK-news.kz ақпараттық порталына сілтеме жасап.
- 6 ақпанда сауда-ойын сауық кешені жанында облыстың екі тұрғыны арасында жанжал болып, салдарынан қатысушылардың бірі дене жарақатын алды. Күдікті ұсталып, уақытша ұстау изоляторына қамалды, - деп хабарлады ШҚО полиция департаментінің баспасөз қызметі.
Облыстық полиция департаментінің ақпараты бойынша, сотқа дейінгі тергеу жүргізіліп, болған оқиғаның барлық мән-жайы анықталып жатыр.
- Оң жақ кеуде тұсына пышақ жарақатын алған 16 жастағы жасөспірім Ана мен бала орталығына жатқызылды. Қазір ол хирургия бөлімшесінде емделуде, жағдайы тұрақты, - деді ШҚО денсаулық сақтау басқармасының баспасөз қызметі.
Айжанат Бақытқызы
Оқи отырыңыз
