Қазақстан Парламенті Мәжілісінің депутаты Ерлан Стамбеков сарбаздарға кредит беруге тыйым салуды ұсынды.

Ол әскери борышын өтеп жүрген сарбаздарға мәжбүрлеп кредит алғызу фактілері бар екенін айтты, деп хабарлайды Altaynews Kazinform агенттігіне сілтеме жасап.

Айта кетейік, заң шығару қызметі мәселелері жөніндегі ведомствоаралық комиссияның отырысында «Әкімшілік құқық бұзушылық туралы кодекске кредит беру кезінде тәуекелдерді азайту және қарыз алушылардың құқықтарын қорғау мәселелері бойынша толықтырулар енгізу туралы» және «Кредит беру кезінде тәуекелдерді азайту және қарыз алушылардың құқықтарын қорғау мәселелері бойынша кейбір заңнамалық актілерге өзгерістер мен толықтырулар енгізу туралы» заң жобалары бойынша Үкіметтің қорытындылары талқыланды.