Риддер ЖЭО қарыздары шамамен 3,3 млрд теңге
![](/kz/uploads/posts/2023-06/whatsapp-image-2023-06-18-at-20_16_23.webp)
Шығыс Қазақстан облысының әкімі Ермек Көшербаев өңір бойынша алғашқы сапарын өңірдегі ең маңызды нысандардың бірі - "Риддер ЖЭО" АҚ жұмысымен танысудан бастады. Онда жылу орталығының басшылығымен және жөндеу жұмыстарына тартылған мердігер ұйымдармен кеңес өткізді.
Аймақ басшысына нысанды қайта құру бойынша атқарылып жатқан жұмыстар жайлы баяндалды, деп хабарлайды Altaynews.kz сайты.
Жаңадан тағайындалған бас директор Игорь Михайленко 5 жыл бұрын осы ЖЭО-ны басқарған және оның ерекшеліктерін жақсы біледі.
Оның айтуынша, жөндеу жұмыстары жоспарға сәйкес жүргізілуде. Өңір басшысы сұрақтарды тыңдап, бейінді ведомстволардың басшыларына тиісті тапсырмалар берді.