Құтқарушылар лагерьдегі балаларды оқытады – ШҚО
Фото: gov.kz
ШҚО ТЖД құтқарушылары облыс аумағындағы демалыс лагерьлерінде қауіпсіздік ережелерін түсіндіруге қатысты ауқымды жұмыс атқарып жатыр. Жаз мезгілінде аймақта 19 лагерь жұмыс істемек.
Ұлан ауданының ТЖ бөлімінің мамандары мен ШҚО ТЖД құтқарушылары "Үміт" балалар үйінің балалары демалатын лагерьде "қауіпсіздік эстафетасын" ұйымдастырды, деп хабарлайды Altaynews тілшісі.
Балалар төтенше жағдайлардағы іс-әрекет дағдылары мен ережелерін игеру үшін кедергілерден өтіп, өрт сөндірді. Сонымен қатар балалар құтқарушылардың сенімді серігі «Хит» атты итпен ойнады.
Шара барысында балалар қауіпсіздік ережелері тақырыбына арналған сурет салып, табиғи өрттің алдын алуға және өртпен күресуге арналған жұмыстар туралы ақпаратқа қанықты.
– Барлық өрт сөндірушілер – нағыз батырлар. Олар біздің табиғатымызды сақтап, адамдарды өрттен қорғауға көмектесті, – дейді Данил Войтенко.
Оқи отырыңыз
Балалар құтқарушылардың киімін киіп жарысты – ШҚОЛагерьдегі балалар өрт сөндіру бөлімін аралады – ШҚОҚұтқарушылар лагерьдегі балалар үшін арнайы шара өткізді – ШҚОБалалардың жазғы демалыстағы қауіпсіздігі талқыланды – ШҚОШҚО: Құтқарушылар қыстағы қауіпсіздік ережелерін түсіндіретін мультфильм шығарды
