Әскери борышын өтегендер ІІМ әскери оқу орындарына ҰБТ тапсырмай түсе алады
![](/kz/uploads/posts/2023-10/whatsapp-image-2023-10-31-at-17_48_56.webp)
Фото: «Шығыс» өңірлік қолбасшылығының баспасөз қызметі
Келесі жылдан бастап мерзімді әскери борышын өтегендер ІІМ-нің әскери оқу орындарына ҰБТ тапсырмай-ақ оқуға түсе алады.
Ол үшін сарбаз парызын өтегеннен кейін бірден немесе бір жыл ішінде өтінім тапсыру керек, деп хабарлайды Altaynews тілшісі.
Оқуға түсетін үміткерлердің жасы 23-тен аспауы шарт. Мұндай мүмкіндікке Ұлттық ұланға қарасты әскери бөлімдердің әр шақырылымындағы сарбаздардың 20 пайызы ғана қол жеткізе алады.
Еске салайық, Ішкі істер министрінің биылғы 28 қыркүйектегі № 709 бұйрығына сай Министрдің 2016 жылғы 26 қаңтардағы «Жоғары білімнің білім беру бағдарламаларын іске асырып жатқан Қазақстан Республикасы Ішкі істер министрлігінің әскери, арнаулы оқу орындарына оқуға қабылдау қағидаларын бекіту туралы» № 77 бұйрығына өзгеріс енгізілген.
Оқуға түсу бойынша сұрақтардың жауабын 8 777 541 7213 нөмірі арқылы білуге болады.