ШҚО ПД бастығы Глубокое ауданында оқушылармен кездесті
Фото: gov.kz
ШҚО ПД бастығы Ерлан Омарбеков Глубокое ауданында балалардың қауіпсіздігі үшін орнатылған дабыл батырмасы мен бейнебақылау камераларын тексерді.
ПД бастығы балалардың сұрағына жауап беріп, есірткінің зияны, жол қауіпсіздігі және өзге де мәселелер туралы айтты, деп хабарлайды Altaynews тілшісі.
Кәмелет жасына толмағандардың құқықтық сауаттылығын арттыруға бағытталған жұмыстар алдағы уақытта барлық оқу орындарында өтеді.
— Көбінесе жасөспірімдер мұны істеуге болмайтынын, ол үшін жазаланатынын білмегендерін айтады. Алайда, заңды білмеу жауапкершіліктен босатпайды, ал заңды қасақана бұзу ауыр зардаптарға әкеледі, - деді спикер.
Полиция генерал-майоры Ерлан Омарбеков дабыл батырмалары мен бейнебақылау жүйелерінің жұмысын жеке өзі тексеріп, балалардың қауіпсіздігі мәселесіне ерекше назар аударды.
— Айта кетейік, облыстың барлық мектептерінде 7500-ге жуық бейнебақылау камерасы орнатылған, олардың басым бөлігі аудандық полиция бөлімдері мен ШҚО ПД жедел басқару орталығына біріктірілген. Барлық қабылданған шаралар біздің балаларымызды қорғауға бағытталған, — деп жазылған ШҚО ПД хабарламасында.
Оқи отырыңыз
