Риддердің қоғам белсенділері қалалық ЖЭО-ның жұмысымен танысты
Синоптиктер алдағы күндері аяз түседі деп болжап отыр. Осы ретте Риддер жұртшылығының өкілдері «Риддер ЖЭО» АҚ-на барып, жұмысымен танысты. Олар жылу үздіксіз беріліп жатқанына көз жеткізді, деп хабарлайды Altaynews.kz тілшісі.
Қала басшылығы мен ЖЭО қызметкерлері қоғамдық бақылау тобын кәсіпорындағы қазіргі жағдаймен таныстырды. Бас инженердің орынбасары Кирилл Голотаның айтуынша, бүгінгі таңда жылу көзі штаттық режимде жұмыс істеп тұр, орташа қысымды үш қазандық пен жоғары қысымды бір қазандық іске қосылған. Тағы екі жоғары қысымды қазандық агрегаты резервте тұр. Барлық алты қазандық та бір-бірін алмастырып, кезекпен жұмыс істейді. Қалалықтардың үйіне жылу еш қиындықсыз берілуде.
Риддер ЖЭО өкілі кәсіпорынның 2024-2025 жылғы жылыту маусымына қатысты жоспарларымен де бөлісті.
Қала әкімі Дәулет Батырбаевтың айтуынша, жылу беруге қатысты жағдай оның жеке бақылауына алынған. Сондай-ақ Риддерде көмір мен мазуттың қажетті қоры да жеткілікті екен.
Сонымен қатар Дәулет Батырбаев күннің суытуына байланысты қаланың бүкіл жүйесін жылыту үшін жылу тасымалдағыштың температурасын 8 градусқа көтеру туралы шешім қабылданғанын айтып өтті.
Қала жұртшылығының өкілдері ЖЭО-ның жұмысына оң нәтиже беріп отыр. Айтуларынша, тұрғындардың үйлері де, әлеуметтік мекемелердің ғимараттары да қазір жылынып қалған.