Жаңа Бұқтырма кентінде көппәтерлі үйлерге жылу беріле бастады
Жаңа Бұқтырма кентінің коммуналдық қызметкерлері жарылған жылу құбырын шұғыл жөндеп, тұрғындардың пәтерлеріне жылу беруді қалпына келтірді, деп хабарлайды Altaynews.kz тілшісі.
- Жөндеу жұмыстары аяқталды. Жылу қайта қосылды, - деді Жаңа Бұқтырма кентінің әкімі Нұржан Қанапин.
Ол сондай-ақ жылуды уақытша өшіру кезінде бірнеше үйдің жылу жағдайын аралап көргендігін айтты.
- Жөндеу жұмыстары кезінде тұрғындардың пәтерлеріндегі барлық жылу батареялары ыстық болды, температура өзгерген жоқ, - деді әкім.
Естеріңізге сала кетейік, бүгін сағат 12.00-де Жаңа Бұқтырма кентіндегі алты көппәтерлі тұрғын үй жылу құбырының жарылуына байланысты жылыту жүйесінен уақытша ажыратылған болатын.
Айжанат Бақытқызы
Оқи отырыңыз
