ШҚО-да екі күннен бері толассыз қар жауып, күн райы құбылмалы болып тұр.

Табиғаттың тосын мінезі қаланың тыныс-тіршілігін баяулатып тастады. Шаһар көшелерінде көлік қозғалысы қиындап, мектептерде төменгі сынып оқушыларының сабағы тоқтады, деп хабарлайды Altainews.kz тілшісі.

Коммуналдық қызметтердің тынбай еңбектеніп жатқанына қармастан, қаланы қар құрсауынан толықтай босату әзірге мүмкін болмай тұр.

Облыс орталығында 200-ге жуық коммуналдық қызметкер мен 100-ден астам техника жұмыс істеп жатыр.

Қар жамылғысының биіктігі 30 сантиметрге жеткен.