Ұлан ауданында автоволонтерлер зейнеткерлерді тегін тасымалдады
Фото: kitsapdailynews.com
Ұлан ауданының жастары мен қайырымды тұрғындары «Еріктілер апталығы» акциясы аясында зейнеткерлер мен мүмкіндігі шектеулі жандарды қажетті жеріне тегін жеткізді, деп хабарлайды Altainews.kz тілшісі.
- Қасым Қайсенов кентінде аязды күндері автоволонтерлер 20-дан астам адамды емханаға тегін жеткізді. Біздің белсенділер ауданның жалғызбасты тұрғындарын да назардан тыс қалдырмай, 46 ауланы омбы қардан тазартты. Қуанарлығы, жастардан қалыспай ауылдың қарапайым азаматтары да белсенділік танытып, адамдарды жұмысқа және басқа да шаруаларына тегін тасымалдады. Акцияны қолдап, еріктілер қатарын толықтырған барша азаматтарға алғысымыз шексіз, - деп хабарлады Ұлан ауданының әкімдігі.
Айжанат Бақытқызы
Оқи отырыңыз
