Өскеменнің мемлекеттік қызметшілері жалғызбасты зейнеткерлер мен көп балалы аналарды тегін тасымалдайды
Өскеменде жалғызілікті зейнеткерлерге, ерекше қажеттіліктері бар адамдарға және көп балалы отбасыларға көмек көрсетуге бағытталған «Өскемен-АСАР» автоволонтерлік жобасының іске асырылып жатқанына алтыншы жылға аяқ басты, деп хабарлайды Altaynews.kz тілшісі.
Жоба аясында автокөлік жүргізушілері аталған санаттағы жандарды емханаға, базарға, қоғамдық орындарға, саябақтарға тегін жетуге көмектеседі.
Облыс орталығының әкімдігі жобаға мемлекеттік ұйымдардың өкілдерін де жұмылдырды. Ведомстволық бағынысты бөлімдер арасында арнайы кесте құрылып, оның шеңберінде автоволонтерлерге қосымша көмек жүзеге асырылады.
Қызметті қалай пайдалану керектігі немесе жоба аясындағы еріктілерге қалай қосылу керектігі жайлы толығырақ @ukaasar Instagram парақшасынан білуге болады.
Айжанат Бақытқызы