Қажетті кадрлар аурухана есебінен оқытылып жатыр - ШҚО
Фото: bryansktoday.ru
Алтай ауданындағы ауданаралық аурухананың жаңғыртуға жататын кардиология, травмотология-ортопедия, анестезиология-реаниматология, сәулелі диагностика бөлімшелеріне қажет мамандар аурухана есебінен оқытылып жатыр, деп хабарлайды Altainews.kz тілшісі.
– Ауданаралық аурухананың кадр тапшылығы мәселесін шешу үшін мекеменің өзінің қаражаты есебінен резидентурада анестезиология-реаниматология, радиология, эндокринология, отоларингология мамандықтары бойынша төрт маман оқып жүр. Олар биыл оқуды тәмамдаған соң қызметтеріне кірісуге тиіс. Сондай-ақ биыл жергілікті атқарушы органның гранты есебінен үш маманды оқыту жоспарланған. Олар 2025 жылы жұмыстарына кіріседі, - деді облыстық денсаулық басқармасында.
Естеріңізге сала кетейік, ауылды жердегі медицина мекемелерін қажетті кадрлармен қамтамасыз ету – «Ауылдық денсаулық сақтауды жаңғырту» ұлттық бағдарламасында көрсетілген басым бағыттардың бірі.
Оқи отырыңыз
